Me har brukt dagen i dag i hagen. Mamma og eg har ordna kjøkkenhagen og urtehagen. Mamma har i alle år hatt stor kjøkkenhage, dei (mamma og pappa) har i alle år våre sjølvberga heile vinteren, med poteter, gulrøtter, kålrot, salat, løk, reddik, kruspersille, dill og mykje meir. I drivhuset har dei hatt tomat, squash og agurk. I år blir ikkje kjøkkenhagen prioritert, neste veke startar me nemleg å grave ut tomta på nye kårhuset. Det blir verken plass eller tid til å ha stor kjøkkenhage då. Me får håpe at det blir tid og plass til neste år. Men litt krus og dill og salat blir det i år og.
Ungane var ivrige hjelparar i hagen, det måtte trillast trillebor, og hentast vaten, og hellast vaten, og sølast med vaten (det er jo det kjekkaste av alt). Det var og masse spennande å sjå for nyfikene gutar, Ingvar og Sigve var svært opptat av alle markane og maurane me fant under hellene i krydderhagen.
Litt bilete frå dagen i dag:
Ingvar i full fart!
Tankefulle Vemund. Vemund han har verkeleg bestemt seg for å verte stor no. Han har nemleg kutta ut å sove på dagen. Han nektar, det skal ikkje sovast, og han som står opp så grytidleg, ofte før 6 på morgonen, det endar med at han blir totalt utkjøyrt ved middagstider. Det har hendt han har sovna i middagen sin, stakars liten. Får håpe det går seg til no, og at han skjønnar at det går ann å sove lenger om morgonen. *håpe, håpe*
Sigve med verdas beste pusekatt! Som me er veldig spente på om har kattungar i magen no?
Og på jordet har alle sauene kome ut. Her ei søye med tvillinglam. Reine idyllen dette her ;-)
Kaldt med godt.
