Stova vår trengte litt fargar, eit måleri hadde vore fint, tenkte eg. Då fekk eg ein glimrande ide, og sette ungane i sving. Dei skulle få lage seg kvart sitt fargerike sjølvportrett.
Vart dei ikkje fantastisk flotte?
Her har me klovnen vår Sigve (Han blir 9 år i juli)
Tvillingbroren Ingvar som for tiden har gløymt korleis ein smiler til eit kamera... (blir 9 år i juli)
Solstråla vår Solveig (blir 3 år i mai)
Ho tykkte dette var superartig, og ville måle meir! Det er fyrste måleriet hennar som ikkje berre er ein fargeklatt, ho såg på brødrene når dei måla og herma etter dei. Sjå kor stolt ho er av seg sjølv!
Og til slutt midt-i-mellom-ungen Vemund (blir 7 år i juni)
Disse kunstverka skal få lov å henge over fjernsynet i stova vår.
Ungane har måla med akrylmåling på lerret kjøpt på Chlas Olson. Fyrst måla dei heile lerretet i bakgrunnsfargen(eg hjalp til med å blande fargane deira), og lot den tørke. Så måla dei hudfargen over, akrylfarge er dekkande så dei kunne male oppå om det vart feil eller dei vart missfornøgde. Til slutt var det å måle detaljar i ansiktet.
Eg syns faktisk at portretta liknar, dei har jo fått fram karakteristiske trekk ved seg sjølve. Dei fekk studere seg sjølv i spegel, slik at hovudfasong, auger nase osv... skulle få riktig fassong.
Veldig nøgd mamma og ungar!
