Sko kan brukast til mangt

 

Gutane likar å teikne, og det er ekstra stas når dei får store tjukke teikneark. Legg merke til at begge to teiiknar like masse med tunga...

 

 

 

Flinke er dei!

 



Nytt gamalt skatoll

Me har fått oss nytt skatoll, eller det er vel ikkje akkurat nytt, heller gamalt. Svigermor som lurte på om me ville ha det, og det ville me sjølvsagt, syns det var veldig fint! Og me hadde ein fin krok ledig i spisestova (når me flytta ei talerkenhylle). Perfekt plass var det.

 

 

Måtte henge opp nokre bilete på veggen og så fekk globusen som gutane fekk til jul plass på toppen, saman med litt anna. Fin plass til slike ting som er fine å sjå på men som me ikkje brukar så ofte.

 

 

 

Reknar ikkje at me kjem til å få problemer med å fylle det opp med ting og tang... Sjå alle dei fine skuffene bak lemmen (eller kva det no heiter.) Når eg tenker meg om er eg igrunn ikkje sikker på om det er eit skatoll eller ein komode? kva er forskjell på det eigenteleg?

 

 

 

 

Kjekt med nye (gamle) ting!

Åleine heime...

 

Prøver å få tid til litt teikning, men det er jammen ikkje enkelt. Burde jo helst vaska og bretta eit fjell med klede, eller vaska badet, for ikkje å snakke om kjøleskapet....

 

Er åleine heime, huset er tomt berre meg, katten, teikneblokka og Photoshop. 

 

Dette vart resultatet...

 

 

 

Tja...

 

Husvask kan eg gjere seinare, dette er jo mykje meir moro!

Varm strikk

Det er blitt kaldt, og endeleg kan eg tre på ungane strikkagensarar. I haust nistrikka eg til 8-åringane, dei må jo ha minst ein heimestrikka gensar kvar! Eg er ikkje akkurat ein reserstrikkar, så då er det dei eldste som får nye gensarar, mens dei to minste arvar.

 

 

Gode varme gensarar i fine fargar og mønster!

 

 

Kva er liksom vitsen med å ta bilder av berre gensarar då mamma? Eg må vel vera med eg og?

 

(Kjolen til Solveig er og heimestrikka, har vist laga eit innlegg om den her.

 

Ha ei fin strikkehelg!

Frå ungane

Sidan jula no er over og alle gåver er gitt bort å pakka opp, så kan eg vise dei fine koppane ungane dekorerte og gav bort til besteforeldre, tanter og onklar. Syns dei vart kjempefine!

 

Tekstane på koppane har dei funne på heilt sjølv, det stod blant anna: "Goffa du er flink til å jage sauer", "Onkel Marius er kul" Og "Tora er super genijal" "Bestefar er flink til å mjølke syrene" Herlig ikkje sant!

Jenta har fått nytt rom!

 

 

Solveig har flytta inn på rommet sitt. Og ja, det er tatt godt i bruk, fylt opp med diverse leiker: bøker, bamsar, lego, dokker, dokkekle, brio, puslespel, bilar, kjolar osv.. Eg hadde ein plan om å få tatt nokre skikkelig flotte ryddige bilete av eit strøkent barnerom. Men då eg kom opp så sat veslejenta der å bygde lego. Heilt i sin eigen verden ensa ho meg ikkje, så eg tok nokre bilete av ho og av legotårnet hennar, og litt av det rosa og raude rommet hennar. Slik har me det, verken strøkent eller ryddig, men med god plass til å leike. Og det er vel det viktigaste?  

Årets julekort!